Francisco Javier Salas Lausín (Zaragoza, 1980)


           A mía afizión por la fotografía naxe en a mía nineza. Ya dende chicotón
teneba una zierta fazilidat ta lo dibuxo, que abubió en una manera más comoda
e rapeda de obtener imachens con una proyeuzión artisitica.
           En primerías utilizaba una cámara compauta d’os míos pais de tanto ta
cuán, mientres, aprendeba en bels cursez la maxia d’o rebelato químico.
Ya á las 18 añadas, un amigo que conoxeba lo mío intrés, m’ampró una camara
reflex e isto fazió que, poco dimpués, mercase la mía primera reflex. Fue dende
ixe inte cuán escomenzipié a salir buscando imachens qu’eba en a mía mente.
Dende siempre me he sentito muito aganato por lo mundo natural, prinzipalmén
data l’influenzia que tuvieron dos mayestros d’a mía chobentut. Istos son estatos
a mía rancanza, que fueron continuatos con salitas por tot o mío entorno
natural, buscando ixos paraches e lugars recónditos que encara teneban bella
cosa que fer beyer. E, amoniquét, o mío radio d’azión, d’igual mesura que la mía
sete por conoxer, fue amplandose, plegando a puestos más lexanos. Ta ixe
inte, o Pirineyo lo teneba ya muito dentro de yo. Casi sin parar cuenta, iste
mundo me fue engaldexando, e súbito un día, me beyé cargato con una pesata
mochila plena de camaras, ochetibos e atros artefautos fotograficos, recorriendo
los puestos más insospechatos.
          En ista cantonada de la rete, tos muestro bellas d’as imachens qu’han
pasato debán d’os míos güellos istas zagueras añadas. Son una suma de muitas
caminatas, muito amaitinar, muito trasnuitar, muito frio, muita calor, muitas
istorias, muitos amigos e muito buenos intes e, definitibamén, muitas sensazions.
Aspero que tos cuaquen e que las desfrutez tanto como yo.
Grazias.

© Porfolio de F. Javier Salas Lausín 2010.
Totas las imachens son propiedad de l’autor: queda prohitibo tot uso d’as imachens sin o suyo permiso esplizito por escrito.
Si deseya utilizar cualsiquier imachen, meta-se en contauto con l’autor. Zaguera Autualizazión: abril de 2010.
Portfolio |  Conoxe-me |  Inizio |  Contauta-me |